Matur | mbl | 3.12.2020 | 21:32

Jólasmákökurnar sem þykja þær bestu

Jólasmákökur með lakkrís og trönuberjum. Mbl.is/Markus Grigo

Markus Grigo er fæddur og uppalinn í þýskalandi – hann er frábær eftirréttakokkur og þykir afar metnaðarfullur þegar kemur að kökum og desertum. Hér er ein af hans bestu smákökuuppskriftum með trönuberjum og lakkrís.

Jólasmákökurnar sem þykja þær bestu

500 g hveiti
1 tsk lyftiduft
60 g lakkrísduft (t.d. frá Johan Bülow)
125 g sólþurrkuð trönuber
375 g kalt smjör, saltað
500 g sykur
2 egg

Aðferð:

Sigtið hveitið í skál saman við lyftiduftið. Bætið lakkrísdufti, trönuberjum og smjörkubbum saman við. Hrærið þar til smjörið hefur blandast vel saman í deig.
Bætið þá sykri og eggi í skálina og hrærið.
Skiptið deiginu upp í 500 gramma klumpa og mótið í langar pulsur á stærð við smápening í þvermál. Rúllið hverri lengju inn í bökunarpappír og setjið inn í frysti þar til þær harðna.
Hitið ofninn á 180°C á blæstri. Skerið lengjurnar í 1 cm þykkar skífur og leggið á bökunarpappír á bökunarplötu.
Bakið í 8-10 mínútur.
Takið út og látið kólna á rist. Best er að geyma smákökurnar í lofttæmdu boxi.