Sjúklega gott sultað jólarauðkál

Ljósmynd/Berglind Guðmundsdóttir

Ef það er eitthvert meðlæti sem er nauðsynlegt á hátíðarborðið þá er það rauðkál. Hér hefur Berglind Guðmunds á GRGS.is sultað það og við mælum heilshugar með því að þið prófið þetta meðlæti sem er hér tekið í nýjar hæðir.

Sjúklega gott sultað jólarauðkál

  • 1 rauðkál (ca 1½ kg)
  • 1 laukur
  • 2 epli
  • 75 g andafita eða smjör
  • 1 tsk. negull, malaður
  • 1 tsk. allrahandakrydd
  • ½ tsk. pipar
  • 1½ dl rauðvín
  • ½ dl balsamedik
  • 1 appelsína
  • 2½ dl rifsberjasaft
  • 1½ dl edik
  • 1 tsk salt
  • ½ dl sykur

Leiðbeiningar

  1. Saxið rauðkálið. Skerið lauk í þunnar sneiðar. Afhýðið eplin og skerið í þunna báta.
  2. Látið smjörið í pott og steikið rauðkál, lauk og epli þar til það er farið að mýkjast.
  3. Setjið kryddið saman við ásamt rauðvíni og balsamediki. Hrærið vel saman og látið malla í 15 mínútur.
  4. Fínrífið börkinn af appelsínunni og látið saman við ásamt safa úr appelsínunni.
  5. Látið þá edik, berjasaft, salt og sykur saman við. Látið malla í 1 klst.
  6. Setjið rauðkálið í krukku og þegar hættir að gufa upp af rauðkálinu setjið þá lokið á.
  7. Geymið í kæli í allt að mánuð.
Ljósmynd/Berglind Guðmundsdóttir
mbl.is