Rjúpa á gamla mátann

Fyrir 4

1. Kryddið fuglana með salti og pipar og steikið í vel heitum potti á öllum hliðum í 4-5 mínútur. eða þar til fuglinn er orðinn gullinbrúnn.
2. Bætið þá vatni í pottinn og hleypið suðunni rólega upp.
3. Veiðið þá sora og fitu af soðinu.
4. Sjóðið við vægan hita í 1 ½ klukkustund.
5. Sigtið þá soðið í annan pott og sjóðið það niður um 1/3 .
6. Þykkið soðið með sósujafnara og bætið rjóma, rifsberjahlaupi og gráðosti í sósuna.
7. Smakkið til með salti og pipar.
8. Berið rjúpuna fram með sósunni, Hasselback-kartöflum, Waldorfsalati, berjasoðnum perum og t.d. gljáðum beðum og soðnu spergilkáli.

Hasselback-kartöflur

• 4-6 bökunarkartöflur
• 30-50 g smjör, brætt
• salt og nýmalaður pipar

Aðferð:

1. Hitið ofninn í 190°C.
2. Skerið vel af báðum endanum á kartöflum og skrælið þær með hníf þannig að þær verði 6-8 kanta.
3. Skerið þvert ofan í kartöflurnar með 2 mm millibili, niður í hálfa kartöfluna.
4. Þerrið kartöflurnar og setjið þær í ofnfast form.
5. Penslið þær með smjöri og kryddið með salti og pipar.
6. Bakið í 35 mínútur.

Berjasoðnar perur

• 2 perur, skrældar og kjarnhreinsaðar
• 1 poki frosin blönduð ber
• ½ dl rauðvín
• 1 msk. berjasulta

Aðferð:

1. Setjið allt saman í pott og hleypið suðunni upp.
2. Sjóðið við vægan hita í 3-5 mínútur eða þar til perurnar eru orðnar mjúkar.

Waldorfsalat

• 2 græn epli, afhýdd, kjarnhreinsuð og skorin í bita
• 1 sellerístöngull, skorinn í þunnar sneiðar
• 1 dl sýrður rjómi
• 2-3 msk. majónes
• 1 tsk. sítrónusafi
• ½ tsk. ljóst edik
• 1 tsk. sykur, má sleppa
• ¼ tsk. salt
• 1 dl rjómi, þeyttur
• 40 g valhnetur, gróft saxaðar
• steinlaus vínber, skorin til helminga

Aðferð:

1. Setjið allt nema rjóma, valhnetur og vínber saman í skál og blandið vel saman.
2. Fellið rjómann varlega saman við.
3. Skreytið með valhnetum og vínberjum.
4. Best er að laga salatið samdægurs.