Vatnsdeigsbollur með Baileys- & Nutella-fyllingu

• 150 ml mjólk
• 150 ml vatn
• 255 g smjör
• 5 g sykur
• 3 g salt
• 225 g hveiti
• 7 egg

Craquelin

• 200 g smjör
• 270 g púðursykur
• 270 g hveiti

Aðferð:

1. Byrjið á að búa til craquelin en það er kex sem fer ofan á bollurnar og gerir þær margfalt betri.
2. Hnoðið allt saman og kælið á meðan þið búið til vatnsdeigsbollurnar.
3. Fyrir vatnsdeigbollurnar byrjið á að hita mjólk, vatn, smjör, salt og sykur þar til suða kemur upp.
4. Hveitinu bætt saman við og massinn ristaður þar til hann er kominn saman og hættur að festast við hliðarnar.
5. Settu deigið í hrærivél með spaða og hrærðu til að kæla deigið, hrærðu þar til þú getur komið við skálina og hún er volg eða næstum köld.
6. Bættu eggjunum saman við í skömmtum.
7. Sprautaðu deiginu á plötur.
8. Rúllið út craquelin-kexdeiginu og skerið út litla hringi í svipaðri stærð og bollurnar.
9. Leggið einn kexhring á hverja bollu.
10. Bakaðu við 180 gráður í 20-25 mínútur.

Fylling

• 460 g rjómi
• 110 g Baileys
• 120 g flórsykur
• 250 g Nutella

Aðferð:

1. Þeytið saman rjóma, Baileys og flórsykur þar til blandan er orðin aðeins stíf eða eins og léttþeyttur rjómi.
2. Skerið vatnsdeigsbollurnar í tvennt og fyllið botninn með Nutella.
3. Sprautið svo rjómablöndunni á nutella-botninn og lokið vatnsdeigsbollunni.
4. Sigtið smá flórsykur yfir til skreytingar.

Elenora Rós Georgesdóttir