Smákökur með marengstoppi

Um 40-45 kökur

Kökudeig

• 250 g hveiti
• 100 g sykur
• 200 g smjör við stofuhita
• ½ tsk. hjartarsalt
• 2 x eggjarauða

Hitið ofninn í 170°C.

Hnoðið allt saman í hrærivélarskálinni með K-inu þar til vel blandað.

Takið þá úr vélinni og hnoðið aðeins í höndunum.

Fletjið út á hveitistráðum fleti og skerið út litla hringi og raðið á bökunarplötu.

Geymið plötuna á köldum stað á meðan þið útbúið marengsinn.

Marengs og möndlur

• 2 eggjahvítur
• 200 g flórsykur
• 100 g Til hamingju afhýddar möndlur (saxaðar)

Þeytið eggjahvíturnar þar til þær fara aðeins að freyða.

Bætið þá flórsykrinum saman við í skömmtum og þeytið þar til topparnir halda sér.

Sprautið þá marengstoppi ofan á hverja köku, stráið möndlum yfir og bakið í 12-14 mínútur eða þar til kakan fer aðeins að gyllast á hliðunum og marengsinn að dökkna.