Hér er á ferðinni ofureinfaldur eftirréttur sem tók um 15 mínútur að útbúa og koma í kæli. Það eru ekki mörg hráefni en það þarf að þrífa hrærivélarskálina 3 x í röð til að koma þessu heim og saman.
Það er Berglind Hreiðars á Gotteri.is sem á heiðurinn af þessari uppskrift sem allir ættu að ráða við.
„The ROYAL“
Uppskrift dugar í 8-10 glös
Súkkulaðilag
- 1 pk. Royal-súkkulaðibúðingur
- 300 ml nýmjólk
- 300 ml rjómi
- 2 msk. bökunarkakó
- Hrærið öll hráefnin saman á meðalhraða þar til léttur og þykkur búðingur hefur myndast.
- Skiptið niður í falleg glös og geymið pláss fyrir næstu lög (gott að notast við sprautupoka/zip lock-poka).
- Stráið smá Snickerskurli og krispkúlum yfir áður en þið setjið karamellubúðinginn.
Karamellulag
- 1 pk. Royal-saltkaramellubúðingur
- 300 ml nýmjólk
- 300 ml rjómi
- Hrærið öll hráefni saman á meðalhraða þar til léttur og þykkur búðingur hefur myndast.
- Skiptið niður í glösin og geymið pláss fyrir rjóma og topp (gott að notast við sprautupoka/zip lock-poka).
Toppur og annað hráefni
- 4 stk. Snickers-súkkulaðistykki (rifin gróft niður)
- litlar krispkúlur
- 300 ml þeyttur rjómi
- Sprautið rjómatopp efst í hvert glas og stráið Snickerskurli og krispkúlum yfir allt.
- Kælið fram að notkun.
Ljósmynd/Berglind Hreiðars
Ljósmynd/Berglind Hreiðars