Læknirinn í eldhúsinu er meistari í að elda veislumáltíðir sem þessa og hér slær hann ekki feilnótu fremur en fyrri daginn. Hann bauð upp á krónhjört með dýrindis sósu sem á eftir að fara í sögubækurnar.
Snöggeldaður krónhjörtur
- 800 g krónhjartarlund (skorin í fjóra bita)
- salt og pipar
- smjör/olía til steikingar
Aðferð:
- Látið kjötið standa úti á borði til að ná stofuhita.
- Saltið og piprið vandlega.
- Steikið á heitri pönnu þannig að kjötið sé jafnbrúnað.
- Komið hitamæli fyrir í kjötinu og setjið í 130° heitan ofn og eldið að kjarnhita.
- Látið standa í 10-15 mínútur undir álpappír til að jafna sig.
Nípumauk
- 2 stórar nípur
- 1 kúfuð teskeið af Edmont Fallot-sinnepi
- 50 ml rjómi
- 50 g smjör
- salt og pipar
- Aðferð:
- Flysjið og sjóðið nípurnar í söltu vatni.
- Þegar þær eru mjúkar í gegn hellið þið vatninu frá.
- Maukið saman með rjóma, smjöri, sinnepi, salti og pipar.
- Haldið heitu.
Karmelliserað grasker
- ½ „butternut“-grasker
- góð jómfrúarola
- salt og pipar
- ferskt timían til skreytingar
Aðferð:
- Flysjið og skerið graskerið í litla kubba – 1 cm.
- Veltið upp úr olíu, salti og pipar.
- Bakið í 180°C heitum ofni þar til þeir eru fallega brúnaðir.
Gufusoðnar strengjabaunir
- strengjabaunir
- góð jómfrúarolía
- salt og pipar
Aðferð:
- Gufusjóðið strengjabaunirnar í nokkrar mínútur þar til þær eru mjúkar í gegn.
- Veltið upp úr góðri jómfrúarolíu
- Saltið og piprið.
Uppskriftin kemur úr Hátíðarmatarblaðinu okkar sem unnið var í samstarfi við Hagkaup og hægt er að nálgast HÉR.