Bestu ráðin til að hreinsa ofninn eftir jólasteikina

Það þarf án efa að þrífa ofninn eftir jólasteikina.
Það þarf án efa að þrífa ofninn eftir jólasteikina. mbl.is/Colourbox

Er hægt að skrapa jólasteikina innan úr ofninum? Hér eru bestu trixin til að græja málið á svipstundu svo að græjan verði klár fyrir áramót.

Svona hreinsar þú ofninn

  • Takið ofngrindina og bökunarplötur úr ofninum.
  • Blandið natroni saman við vatn þannig að massinn verði þéttur í sér. Þannig er auðveldara að smyrja blöndunni á þá fleti sem þú vilt þrífa.
  • Eftir að hafa makað blöndunni á skítugu staðina muntu sjá að hún verður brún á lit þar sem natronið er að taka í sig allan skítinn.
  • Látið standa í 12 tíma og þurrkið á eftir með rökum og hreinum klút.

Er ofninn enn þá skítugur?

  • Settu edik í úðabrúsa og sprautaðu á skítugu staðina.
  • Hitið ofninn á 50°í 20-30 mínútur.
  • Þurrkið á eftir með hreinum rökum klút.

Fljótlega og einfalda leiðin

  • Setjið fat með vatni og sítrónusafa inn í ofn og stillið á 50°.
  • Eftir nokkra tíma muntu auðveldlega geta hreinsað matarleifarnar burt.
mbl.is