Lucifer-leikkonan Rachel Harris var í viðtali við tímaritið People á dögunum þar sem hún talaði um hvernig hún tók lífsstílinn í gegn og hver útkoman varð.

Harris, sem er 52 ára gömul, á tvö börn sem eru tveggja og fjögurra ára. Hún hafi ákveðið árið 2019 að hún vildi komast í betra form og var þá aðallega að horfa til þess að auka líkamlegan styrk sinn og heilsu almennt.

Hún réð einkaþjálfara og tók mataræðið í gegn sem hún segir að hafi verið stærsta áskorunin. Með aðstoð einkaþjálfarans og matarplani frá honum hafi hún hætt að borða sykur og aðra vitleysu sem almennt flokkast sem óholl. Hún segist byrja daginn á morgunverði sem samanstendur af tveimur hrærðum eggjum, brokkólí og graskeri.

Þremur tímum síðar fái hún sér hádegisverð sem samanstendur af fitusnauðu kjöti eða fiski með grænmeti. Kolvetni og brauðmeti sé harðbannað.

Svipað sé upp á teningnum á kvöldin þótt hún leyfi sér meira þar eins og góða steik af og til.

Nýi lífsstíllinn virki fyrir hana og hún hafi aldrei verið í betra formi eða sterkari en hún er í dag.

Ljósmynd/skjáskot People

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt