Helgarmaturinn að hætti Lindu Ben.

Ljósmynd/Linda Ben

Hér erum við með hinn fullkomna helgarrétt beint úr smiðju Lindu Ben. Það gerist vart betra og ætti að gleðja alla sem elska góðan mat.

Grænmetis„gúllas“ með kartöflumús

  • 2 msk ólífuolía
  • 1 laukur
  • 250 g sveppir
  • 2-3 gulrætur
  • 1 rauð paprika
  • 2-3 hvítlauksgeirar
  • 1 dós hakkaðir tómatar
  • 1-2 dl rauðvín
  • 2 dl vatn
  • grænmetiskraftur
  • ¼ tsk timían
  • ¼ tsk óreganó
  • ½ paprikukrydd
  • salt og pipar

Aðferð:

  1. Skerið laukinn niður smátt, setjið ólífuolíu á pönnu og steikið laukinn.
  2. Skerið sveppina og gulræturnar í sneiðar og bætið út á pönnuna og steikið.
  3. Skerið paprikuna niður smátt og bætið henni á pönnuna.
  4. Rífið hvítlauksgeirana út á pönnuna og steikið mjög létt, bætið hökkuðu tómötunum út á.
  5. Hellið rauðvíninu út á ásamt vatni og grænmetiskrafti, timían, óreganó, paprikukryddi, salti og pipar. Leyfið öllu að malla á pönnunni við væga suðu í 10-15 mín með lokið á pönnunni, hrærið í reglulega.
  6. Berið fram með kartöflumús.
Ljósmynd/Linda Ben
mbl.is