Íslensk hönnun – já takk! Former kynnti nú á dögunum splunkunýjan rekka í eldhúsið, sem er falleg viðbót í vörulínuna VERU.

Við fögnum því sannarlega að sjá glæsta íslenska hönnun í eldhúsið, en við sögðum ykkur nýverið frá hillunni sem landinn heldur ekki vatni yfir – sjá nánar HÉR. Það er hönnunartvíeykið Former sem á heiðurinn af hönnun vörulínunnar VERU og kynnti á dögunum nýja glæsilega viðbót í vörulínuna sem enginn má láta framhjá sér fara. VERU-rekki hefur nú litið dagsins ljós og er önnur tveggja nýjunga í vörulínunni. Rekkinn er fullkominn fyrir eldhúsáhöld, glös eða uppskriftabækur svo eitthvað sé nefnt og kemur í sölu í febrúar.