Þorskur í kókos-karrí og íslensku rótargrænmeti

Uppskrift fyrir 4

• 800 g þorskur
• 300 ml kókosrjómi
• 1 tsk. karrí
• ½ teningur grænmetiskraftur
• ½ laukur, sneiddur
• ½ grænt epli
• 2 gulrætur, rifnar
• 1 rófa rifin (ekki of stór)
• 5 kartöflur, sneiddar þunnt
• 2 lúkur grænkál, saxað
• 2 hvítlauksgeirar, saxaðir
• 2 bollar rifinn ostur 
• Salt og pipar 

Aðferð:

Skerið fiskinn í bita og setjið í eldfast form og saltið og piprið yfir. Setjið kókosrjómann, karrí, lauk og epli saman í pott og látið malla í ca. 7 mín. Maukið síðan saman með töfrasprota eða í matvinnsluvél, smakkist til með salti og pipar. Skerið grænmetið og steikið á pönnu. Hellið grænmetinu út í sósuna og blandið saman, hellið yfir fiskinn og dreifið ostinum yfir. Eldið í ca. 18–20 mín. í 180°C heitum ofni. Borið fram með hrísgrjónum og naan-brauði.

Höfundur uppskriftar Oddur Smári Rafnsson