Barenaked-pasta og -hrísgrjón eru fullkominn valkostur fyrir alla sem vilja minnka hlutfall kolvetna í mataræði sínu og þá sem eiga við sykursýki eða glútenóþol að stríða. Barenaked-lágkolvetnavörurnar eru fitusnauðar og innihalda einungis 15-22 kaloríur í hverjum skammti.
Fyrirtækið Barenaked var stofnað árið 2011 af Ross Mendham. Ross hafði árum saman barist við að ná stjórn á þyngd sinni og farið í alls konar megrunarkúra en alltaf fallið fyrir pasta sem var hans eftirlætisfæða. Hann leitaði um allt að lágkolvetnaútgáfu af pasta, á netinu, í matvöruverslunum og heilsuvörubúðum, en án árangurs. Í kjölfarið fékk Ross þá frábæru hugmynd að leita leiða til að gera uppáhaldsmatinn sinn aðgengilegan fyrir alla, líka þá sem eru á sérstöku mataræði annaðhvort að eigin vali eða af heilsufarsástæðum. Nú framleiðir Barenaked hollar bragðgóðar lágkolvetnavörur sem hægt er að nota í staðinn fyrir hefðbundið pasta, núðlur eða hrísgrjón.
Lykilhráefni í Barenaked-vörunum er konjac-rótin sem er ræktuð víða í Asíu og er nánast kaloríu- og kolvetnasnauð. Konjac-rótin er mjög trefjarík en inniheldur hvorki fitu, sykur né sterkju. Hún er því frábær kostur fyrir þá sem aðhyllast kolvetnaminna mataræði, ketó, LKL eða eru vegan. Í Barenaked-vörunum er blanda af konjac-rót, sojabaunamjöli og haframjöli en þannig fæst áferð sem líkist hefðbundnum rísnúðlum. Núðlurnar og hrísgrjónin eru fljótelduð og drekka í sig bragð af hvers kyns sósum, súpum og kryddum.
- - -
Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita ...
Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl