Saltkaramellusæla með sítrónutvisti

Hráefni:

• ½ l rjómi
• 150 g Síríus-rjómasúkkulaði með karamellu og salti
• sítrónusmjör (Lemon Curd)
• 150 g Nóa-rjómakúlur
• 50 g Síríus-suðusúkkulaði
• 1 msk. olía

Aðferð:

1. Stífþeytið rjómann. Saxið Síríus rjómasúkkulaði með karamellu og salti frekar smátt. Skerið bollurnar í tvennt.
2. Setjið sítrónusmjör innan á hliðarnar á rjómasprautupokanum með skeið og setjið svo þeytta rjómann í miðjuna. Sprautið á bollurnar. Stráið um það bil einni teskeið af saxaða Síríus-rjómasúkkulaðinu með karamellu og salti ofan á rjómann. Setjið lokið á.
3. Saxið helminginn af Nóa-rjómakúlunum og geymið til skrauts. Bræðið hinn helminginn af kúlunum og Síríus-suðusúkkulaðinu í vatnsbaði ásamt olíunni. Setjið yfir bollurnar og skreytið með saxaða rjómasúkkulaðinu og söxuðu rjómakúlunum.