Systir Andre eða Lucile Randon eins og hún heitir réttu nafni er næstelsta manneskja heims eftir því sem best er vitað og fagnaði 117 ára afmæli sínu á dögunum.

Frétt af mbl.is

Fær eftirlætiskökuna á 117 ára afmælisdaginn

André dvelst á hjúkrunarheimili í Frakklandi og þegar afmælinu var fagnað var ekki boðið upp á neinar slorveitingar. Byrjað var á púrtvíni, síðan var boðið upp á foie gras með heitum fíkjum, grillaðan kjúkling (e. capon) með sveppum og sætum kartöflum og í eftirrétt var ostaplatti með roquefort og geitaosti. Með veislunni var boðið upp á rauðvín að sögn talsmanns hjúkrunarheimilisins þar sem systir André dvelst.

Að lokum var boðið upp á Baked Alaska-köku (kaka með svampbotni og ís – sem er svo hjúpuð með marengs) með hindberja- og ferskjubragði og svo var skálað í kampavíni. 

Því er ljóst að nunnan aldna nýtur lífsins með góðum mat ... svolítið eins og okkur dreymir öll um að geta gert í ellinni.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt