Gullkarfi með mexíkósku ívafi

• 800 g gullkarfahnakkar
• 1 stk. mexíkóostur
• 250 ml rjómi
• 1 teningur grænmetiskraftur
• Maizena-kornsterkja
• 10 stk. kirsuberjatómatar 
• ½ rauðlaukur, sneiddur
• 1 lúka ferskt kóríander
• 2 lúkur tortilla-flögur 

Aðferð:

1. Leggið fiskinn í eldfast form, saltið og piprið yfir.
2. Skerið ostinn í teninga og setjið í pott, setjið vatn í pottinn sem fer yfir ostinn, sjóðið þar til osturinn hefur leyst upp.
3. Bætið rjómanum og grænmetiskraftinum út í, fáið upp suðu aftur og þykkið örlítið með ljósum maizena-þykki.
4. Hellið helmingnum af sósunni yfir fiskinn, skerið tómatana, laukinn og kóríander og dreifið yfir. Hellið restinni af sósunni yfir, myljið flögurnar og dreifið yfir.
5. Eldið í 18–20 mín. í 200°C heitum ofni. Gott er að setja fiskinn inn í mjúkar tortillur og bæta við sýrðum rjóma og salati.

Uppskrift: Oddur Smári Rafnsson / Fiskur í matinn