Hér er það sjálf Eva Laufey sem galdrar fram girnilegt kjúklinga enchiladas sem ætti að gera alla snarvitlausa.
Kjúklinga enchiladas að hætti Evu Laufeyjar
- Ólífuolía
- 1 rauðlaukur
- 1⁄2 rautt chili
- 2 rauðar paprikur
- 2 hvítlauksrif
- Salt og pipar
- 2 kjúklingabringur
- 1 dós niðursoðnir tómatar
- 1 msk. tómatpúrra
- 1 Mexíkóostur
- 1 dl vatn
- Kóríander
- Tortilla kökur
- Rifinn mozzarella frá Gott í matinn
- Sýrður rjómi frá Gott í matinn
- Salsa
Aðferð:
- Hitið olíu á pönnu, skerið niður grænmetið.
- Steikið laukinn í smá stund, bætið papriku og chili út á pönnuna.
- Pressið hvítlauksrif og bætið þeim einnig út á pönnuna.
- Skerið kjúklingabringurnar í bita og bætið út á pönnuna.
- Hellið tómötum og tómatmauki saman við.
- Skerið mexíkóostinn í litla bita eða rífið niður, setjið ostinn á pönnuna og hrærið.
- Bætið smávegis af vatni saman við og leyfið þessu að malla í nokkrar mínútur.
- Kryddið til með salti, pipar og smátt söxuðum kóríander.
- Setjið tortillakökur í eldfast mót, fyllið þær með kjúklingablöndunni og rúllið upp.
- Sáldrið rifnum mozzarella yfir.
- Bakið við 180°C í ca. 20-25 mínútur eða þar til osturinn er gullinbrúnn.
- Berið fram með sýrðum rjóma, salsa, ferskum kóríander (má sleppa) og gjarnan nachosflögum.