Þær stórfregnir berast að vestan að sjálf Chrissy Teigen ætli að skella sér í veitingabransann með tilþrifum. Teigen birti mynd af sér inni í eldhúsi á ónefndum stað og sagðist vera að skoða eldhúsið með framtíðaráform í huga.
Staðsetningin er í hjarta Beverly Hills í Los Angeles og kúnnahópurinn verða allir vinir Chrissyar og svo auðvitað aðdáendur hennar. Ef maturinn verður ættaður úr Cravings-bókinni hennar má búast við tilgerðarlausum og bragðmiklum mat.
Ekkert hefur verið gefið upp um væntanlega opnun en við skulum gefa þessu nokkra mánuði.