Í annað sinn á einu og hálfu ári kynnir Royal Copenhagen splunkunýtt matarstell sem kallast „Blueline“.

Við könnumst við ýmislegt í nýja matarstellinu, því undirstaðan er oftast sú sama – hvítt postulín með riffluðum köntum og bláu munstri. Mjög fínleg handmáluð lína skreytir brúnirnar ásamt bláum stimpli sem sést efst á diskum og á botninum í bollum og skálum – allt í anda vörumerkisins. Nýju vörurnar eru stílhreinar með einföldu „pennastriki“ eða „blueline“, og má auðveldlega blanda stellinu saman við aðrar týpur frá Royal Copenhagen sem prýddar eru stórum blómamunstrum.