Flest erum við sæmilega meðvituð um mikilvægi þess að þrífa híbýli okkar reglulega. Við erum nokkurn veginn með á hreinu (!) hvað ber að þrífa en þó er einn hlutur sem gleymist ansi víða.
Við erum að tala um fjarstýringar. Öll handleikum við fjarstýringarnar á heimilinu, oft með skítugar hendur og stundum alveg hreint fárveik.
Fjarstýringar geta því verið gróðrarstía fyrir bakteríur og alls ekki í húsum hæfar, ef þannig mætti að orði komast.
Munið því að þrífa fjarstýringuna reglulega. Þarf ekki að vera flókið og ALLS ekki leggja hana í bleyti. Það gæti gert út af við hana.