Nýtt Moomin á leiðinni til landsins

Ljósmynd/Arabia

Múmínmamma & Fillífjónkan

Væntanlegar eru til landsins nýjar vörur í Moomin vörulínuna sem nýtur mikilla vinsælda hér á landi. Aðalpersónurnar að þessu sinni eru Múmínmamma og Fillífjónkan.


Vörurnar mega fara í sölu á Íslandi 15. mars og verða þær hluti af varanlegu vöruvali Moomin. 

Ljósmynd/Arabia

Múmínmamma

Múmínmamma er máttarstólpi Múmíndals og hjarta Múmínhússins, blíð og snjöll móðurímynd sem lætur ekkert á sig fá.

Fjölskyldan nýtur ekki bara góðs af samkennd hennar heldur er hún tilbúin að hugsa vel um alla þá sem heimsækja Múmínhúsið.

Múmínmamma kann svo sannarlega að njóta lífsins. Hún er með vinnukonu á heimilinu af því að Fillífjónkan telur að fjölskyldan þurfi aðstoð við að ná reiðu á óskipulagða heimilið.

Ljósmynd/Arabia

Fillífjónkan

Frú Fillífjónka er þriggja barna móðir og er hún afar snyrtileg og skipulögð manneskja. Hún er heltekin af heimilisþrifum og er uppá sitt besta þegar henni gefst færi á að skipuleggja almennilega vorhreingerningu.

Dag einn mætir geðlæknir í Múmíndal og læknar frú Fillífjónku af hreingerningar-áráttunni. Þegar heimili hennar fer smám saman að hrörna ákveður Múmínmamma á sinn einstaka hátt að aðstoða Fillífjónkuna við að fá aftur ástríðu fyrir þrifum.

Ljósmynd/Arabia
Ljósmynd/Arabia
mbl.is
Fleira áhugavert
Fleira áhugavert