Svívirðilega góður beikonbrauðréttur
Ljósmynd/Berglind Hreiðarsdóttir
Setja bókamerki
Brauðréttabakstur er keppnisíþrótt hér á landi enda fátt sem getur eyðilagt góða veislu hraðar en glataður brauðréttur.
Hér er það meistari Berglind Hreiðarsdóttir sem býður upp á brauðrétt sem getur ekki klikkað.
Beikonbrauðréttur
- 200 g beikonkurl
- 200 g sveppir
- 1 stk. blaðlaukur
- 1 x smurostur með beikoni frá MS
- 500 ml rjómi
- 150 g skinka
- 9 franskbrauðssneiðar
- rifinn ostur
- salt og pipar eftir smekk
- smjör til steikingar
Aðferð:
- Steikið beikonkurlið í ofni/á pönnu þar til það er stökkt, leggið á pappír og geymið.
- Skerið niður sveppi og blaðlauk, steikið upp úr smjöri og kryddið til með salti og pipar.
- Hellið rjóma og beikonosti saman við og hrærið þar til osturinn er uppleystur, skerið niður skinkuna og bætið henni út í.
- Skerið skorpuna af franskbrauðssneiðunum, smyrjið eldfast mót vel að innan og raðið réttinum saman.
- Setjið 3 x franskbrauðssneiðar í botninn og um 1/3 af ostablöndunni yfir og endurtakið tvisvar sinnum í viðbót. Efst má síðan strá beikonkurlinu og rífa vel af osti yfir allt saman.
- Hitið í 180°C heitum ofni í um 25 mínútur eða þar til osturinn fer að gyllast.
Ljósmynd/Berglind Hreiðarsdóttir
„Það er skiljanlegt að þolinmæði þeirra sé lítil“
Innviðir þandir og álagið „gríðarlegt“
Hægagangur og vaxandi ókyrrð
Kveðst tala af virðingu: „Ég er enginn dóni“
Ekki byggt í takt við áform sveitarfélaga
Ísraelar hefna árásarinnar
Ofsóttur innan veggja Boeing