Heimagert granóla
Ljósmynd/Berglind Hreiðarsdóttir
Þóra Kolbrá Sigurðardóttir
Setja bókamerki
Tengdar fréttir
Uppskriftir
Það er auðveldara en margur heldur að búa til granóla heima en gott granóla byggist á vandlega samansettri blöndu af höfrum og öðru fíneríi. Nauðsynlegt er að sætan sé góð – og náttúruleg svo að hitaeiningafjöldinn fari ekki fram úr hófi. Hér er uppskrift úr smiðju Berglindar Hreiðarsdóttur á Gotteri.is sem hittir í mark.
Sjálf segir Berglind að hún hafi lengi ætlað að prófa að gera granóla heima en einhverra hluta vegna ekki látið verða af því fyrr en nú. „Núna skil ég auðvitað ekki af hverju, því þetta er svo brjálæðislega gott að ég get ekki beðið eftir því að fara niður á morgnana og fá mér skál með AB-mjólk og þessu granóla,“ segir Berglind og ekki annað að sjá en granólað hafi heppnast fullkomlega.
Heimagert granóla
- 2 þroskaðir bananar
- 3 msk. hlynsíróp
- 2 msk. brædd kókosolía
- 1 tsk. vanilludropar
- 450 g Til hamingju-tröllahafrar
- 40 g Til hamingju-kókosflögur
- 60 g Til hamingju-pekanhnetur (saxaðar gróft)
- 60 g Til hamingju-heslihnetur heilar
- 1 tsk. kanill
- ½ tsk. sjávarsalt
- 50 g 70% súkkulaði
Aðferð:
- Hitið ofninn í 175°C.
- Setjið banana, síróp, olíu og vanilludropa í blandarann og blandið í mauk.
- Hrærið öllum öðrum hráefnum nema súkkulaðinu saman í stóra skál.
- Hellið bananamaukinu yfir og blandið vel saman.
- Skiptið niður á tvær bökunarplötur, íklæddar bökunarpappír, og dreifið vel úr.
- Bakið í um 35 mínútur en hrærið í blöndunni 4-5 sinnum á tímabilinu.
- Kælið alveg og saxið þá súkkulaðið niður og blandið saman við.
Ljósmynd/Berglind Hreiðarsdóttir
Ljósmynd/Berglind Hreiðarsdóttir
Tengdar fréttir
Uppskriftir
Almannavarnir auka viðbúnað
Hæstiréttur staðfestir vanhæfi alls Landsréttar
Spursmál: Fyrsta stóra viðtal Katrínar
Segjast hafa skotið niður langdræga sprengjuvél
„Búið að vera í dreifingu í einhvern tíma“
Unnu að fullum heillindum að kaupum á TM
Aðkoman í gripahúsið mjög slæm