Sleppti sósunni og notaði þetta í staðinn

Sælkerapítsa með eðalostabrauðstöngum sem þú verður að prófa

Pítsa

• Tilbúið pítsudeig ég notaði súrdeigs 
• 1 krukka döðlusulta frá pesto.is 
• rifinn mozzarellaostur eftir smekk, ég notaði þunnt lag af honum 
• 1 stór kúla af ferskum mozzarellaosti 
• rifinn parmesanostur 
• 1 lítið bréf beikon
• smá púðursykur 
• 5 stk. smátt skornar döðlur 
  
• kryddkurl frá pesto.is 
• rauðlaukssæla frá pesto.is 
• rucola, val til að setja ofan á eftir á 

Ostabrauðstangir 

• Tilbúið pítsudeig að eigin vali, ég notaði súrdeigs 
• rucolapestóið Fjallkonumær frá pesto.is 
• rifinn mozzarella 
• rifinn parmesan                                       

Aðferð           

Pítsan

1. Hitið ofninn á það allra heitasta sem hann kemst í á blæstri.
2. Fletjið Pizzadeigið út og smyrjið á það döðlusultunni eins og þið væruð að nota pítsusósu (ekki nota pítsusósu samt og ekki forbaka deigið).
3. Setjið næst rifna mozzarellaostinn yfir og skerið ferska ostinn í þunna hringi og setjið ofan á rifna ostinn.
4. Takið næst beikon og klippið í tvennt, krullið það svo með því að snúa endunum hvorum í sína áttina og leggið þannig á pizzuna.
5. Stráið svo ögn af púðursykri yfir beikonið sjálft.
6. Setjið næst rauðlaukssæluna á hér og hvar á milli beikonsins og smátt skornu daðlanna.
7. Sáldrið svo kryddkurlinu yfir allt, ásamt parmesanostinum.
8. Stingið í ofninn en tíminn fer eftir hita á ofninum svo best er að fylgjast bara með pítsunni.

Ostabrauðstangir 

1. Fletjið deigið út í stuttan ferning.
2. Smyrjið svo pestóinu yfir ferninginn og stráið rifnum mozzarella yfir.
3. Lokið ferningnum eins og bók og penslið á hann þunnu lagi af pestóinu og stráið smá mozzarella og rifnum parmesan yfir.
4. Bakið með pítsunni í ofninum svo þær verði til á sama tíma.
   
5. Skerið svo eins og gert er við brauðstangir eða í eins og 5 cm lengjur.