Ómótstæðileg ostakaka með Rolo

Ofsalega girnileg Rolo kaka.
Ofsalega girnileg Rolo kaka. Mbl.is/ Fitwaffle Kitchen/Instagram

Hér bjóðum við ykkur upp á örfá og einföld hráefni í stórkostlegri ostaköku – og það besta er að þú þarft ekki einu sinni að kveikja á ofninum til að baka kökuna. Uppskriftin kemur frá @Fitwafflekitchen, sem bakar krásir sem þessa daglega og er með yfir 460 þúsund fylgjendur á Instagram.

Ómótstæðileg ostakaka með Rolo

Botn

  • 350 g Digestive-kex, mulið
  • 180 g ósaltað smjör, bráðið

Ostakrem

  • 350 ml rjómi
  • 500 g rjómaostur
  • 120 g flórsykur
  • 120 Carnation caramel (eða mjúk karamella)

Topping

  • 150 g Carnation caramel
  • 21 Rolo-bitar

Aðferð:

  1. Blandið muldu kexi og smjöri saman í skál og setjið í bökunarmót. Þjappið kexmulninginn og setjið í ísskáp.
  2. Þeytið rjómann.
  3. Blandið rjómaosti, flórsykri og karamellu vel saman. Setjið því næst rjómann varlega saman við blönduna. Leggið þá blönduna ofan á kexbotninn og setjið inn í ísskáp í það minnsta fimm klukkutíma, eða yfir nótt.
  4. Takið kökuna úr mótinu og hellið karamellu yfir og skreytið með Rolo-bitum. Setjið aftur inn í ísskáp þar til bera á fram.
Mbl.is/ Fitwaffle Kitchen/Instagram
mbl.is