Syndsamlega góðar múffur að hætti Lindu Ben

Ljósmynd/Linda Ben

Þessar múffur eru úr smiðju Lindu Ben og eru algjört æði. Stökkar og bragðgóðar þökk sé múslíinu sem smellpassar í uppskriftina.

Múslí-muffins

  • 150 g smjör
  • 150 g púðursykur
  • 2 egg
  • 1 tsk. vanilludropar
  • 180 g hveiti
  • 1 tsk. kanill
  • 2 tsk. lyftiduft
  • 250 g Kelloggs Crunchi musli
  • 150 ml mjólk

Aðferð:

  1. Kveikið á ofninum og stillið á 175°C.
  2. Þeytið smjör og púðursykur saman þar til létt og ljóst, bætið eggjunum út í, eitt í einu, þeytið vel saman. Bætið svo vanilludropunum saman við.
  3. Blandið kanil og lyftidufti saman við hveitið og hellið því svo út í blönduna, blandið saman.
  4. Hellið mjólkinni út í og blandið saman ásamt múslíinu.
  5. Setjið stór pappírs muffinsform í muffins álbakka og fyllið hvert form upp 2/3.
  6. Bakið í u.þ.b. 20 mín. (tími fer eftir stærð kakanna).
mbl.is