Brie-kjúklingur með stökkri parmaskinku

Ljósmynd/Berglind Guðmunds

Þessi girnilega uppskrift kemur frá Berglindi Guðmunds á GRGS og er klárlega eitthvað sem við verðum að prófa sem fyrst.

Parmaskinkan og brieosturinn með kjúklingnum er blanda sem getur ekki klikkað!

Brie-kjúklingur með stökkri parmaskinku

  • 4 kjúklingabringur t.d. frá Rose Poultry
  • 8 sneiðar PARMA-parmaskinka
  • 1 brieostur
  • 8 msk. sweet chili-sósa
  • 1 box kirsuberjatómatar
  • salt og pipar
  • klettasalat

1. Skerið tómatana í tvennt og látið í ofnfast mót, með sárið upp. Dreypið smá ólífuolíu yfir þá og saltið og piprið. Eldið í 15-20 mínútur við 190°C hita eða þar til þeir eru farnir að mýkjast.

2. Látið parmaskinku inn í ofn og eldið þar til hún er orðin stökk.

3. Skerið kjúklingabringurnar í tvennt þannig að þær verði þynnri. Setjið olíu á pönnu og steikið á báðum hliðum í 3-4 mínútur á hvorri hlið. Saltið og piprið.

4. Látið kjúklinginn í ofnfast mót. Skerið ostinn og látið yfir kjúklinginn. Setjið inn í ofn þar til kjúklingurinn er fulleldaður og osturinn bráðinn.

5. Látið klettasalat á disk, tómata og kjúkling. Setjið 2-3 msk. af sweet chili-sósu yfir kjúklinginn og leggið stökka parmaskinkuna yfir allt.

- - -

Fylgstu með Mat­ar­vefn­um á In­sta­gram. Enda­laus æv­in­týri, hug­mynd­ir, skemmti­leg­ir leik­ir og allt það heit­asta heita ...

Svo megið þið endi­lega tagga okk­ur á In­sta­gram þegar þið eruð að elda eitt­hvað spenn­andi @mat­ur.a.mbl

mbl.is