Coca-Cola á Íslandi gerir stórar breytingar

Ljósmynd/CCEP

Coca-Cola á Íslandi gerir stórar breytingar á Coca-Cola án sykurs um þessar mundir þegar drykkurinn fær bæði nýtt útlit og endurbætt og frískandi bragð.

„Við höfum minnkað sykurmagn mælt í grömmum á lítra svo um munar eða um 30% á síðustu 10 árum og er þetta hluti af okkar vegferði í þeim efnum að gera enn betur“ segir Helga Þórðardóttir, vörumerkjastjóri hjá Coca-Cola á Íslandi.

Með endurbættri uppskrift á Coca-Cola án sykurs færist bragðið enn nær hinu klassíska Coca-Cola. „Vöruþróun okkar einblínir nú fyrst og fremst á sykurlausar og sykurminni vörur. Það hefur verið mikil aukning í sölu á drykkjum með minna sykurinnihaldi síðustu ár og viljum við koma til móts við þá neytendur, en einnig er þetta hluti af skuldbindingu okkar um að minnka sykurmagn í drykkjarföngum. Við erum sannfærð um að nýja bragðið muni vera eitthvað sem neytendur munu elska og Coca-Cola aðdáendur sem eru að leita sér að sykurlausum valkosti munu vilja smakka,“ segir Helga.

Sama vörumerkið – með og án sykurs
Coke án sykurs kom fyrst á markað árið 2005, þá undir heitinu Coca-Cola Zero Sugar, og er í dag sá gosdrykkur á Íslandi sem er í hvað mestum vexti. Samhliða endurbættu bragði verður útlitið á Coke án sykurs einfaldað og er nú beintengt vörumerki Coca-Cola, sem er eitt þekktasta vörumerki heims.

Aðgreiningin á vörunum tveimur er svart logo fyrir Coke án sykurs og hvítt fyrir Coca-Cola Original Taste á rauðum fleti og verður Coca-Cola Original Taste áfram með rauðum tappa en Coke án sykurs með svörtum tappa.

Til að styðja við þessa breytingu verður nýrri og gagnvirkri auglýsingaherferð hleypt af stokkunum undir slagorðunum: „Besta Coke allra tíma?“ Þetta er einföld spurning til neytenda en spyr um stóra hluti: Hvað ef þér finnst nýja Coke án sykurs vera besta Coke allra tíma? Þá verða neytendur jafnt sem áhrifavaldar hvattir til að taka þátt í samtalinu á samfélagsmiðlum.

 

Nýja uppskriftin, útlitsbreytingin og herferðin fyrir Coke án sykurs hefur nú þegar verið sett af stað í Bretlandi, Svíþjóð, Noregi og Danmörku.

- - -

Fylgstu með Mat­ar­vefn­um á In­sta­gram. Enda­laus æv­in­týri, hug­mynd­ir, skemmti­leg­ir leik­ir og allt það heit­asta heita ...

Svo megið þið endi­lega tagga okk­ur á In­sta­gram þegar þið eruð að elda eitt­hvað spenn­andi @mat­ur.a.mbl

Helga Þórðardóttir, vörumerkjastjóri hjá Coca-Cola á Íslandi.
Helga Þórðardóttir, vörumerkjastjóri hjá Coca-Cola á Íslandi. Ljósmynd/CCEP
mbl.is