Einn vinsælasti keramíker landsins, Inga Elín, velur fyrir okkur vikumatseðilinn þessa vikuna – sem er blanda af því besta sem uppskriftasafnið okkar hefur upp á að bjóða.

Inga Elín hannar dásamlega fallegar keramíkvörur, þar á meðal svokallaða „veltibolla“ sem hafa notið mikilla vinsælda hér á landi – og hjá mörgum hverjum orðnir safngripir. En það er í nógu að snúast hjá Ingu þessa dagana. „Ég er að gera upp 118 ára gamalt timburhús á Hverfisgötu þar sem ég mun flytja inn nú um mánaðamót ef allt gengur upp. Einnig er ég að þróa nýja kökudiska á vinnustofunni sem verða í stíl við bollana mína en diskarnir munu fara í framleiðslu nú fyrir jólin,“ segir Inga Elín – en hún rekur ásamt syni sínum gallerí á Skólavörðustíg 5 sem hefur gengið hreint út sagt ótrúlega frá opnun þess í upphafi heimsfaraldursins.

„Framleiðslunni á bollunum, sem nú eru uppseldir, hefur seinkað út af ástandinu en hún fer að verða klár og við hlökkum mikið til að geta boðið fólki í veislu hér í sumar,“ segir Inga Elín, en eins árs afmæli gallerísins var frestað vegna núverandi fjöldatakmarkana og verður haldið í júní, þar sem nýjasta lína hennar af veltibollum verður kynnt.

Mánudagur:

Þriðjudagur

Miðvikudagur:

Fimmtudagur:

Föstudagur:

Laugardagur:

Sunnudagur: