Veitingastaðurinn XO hefur sett tvo nýja rétti á matseðilinn sem henta sérstaklega þeim sem vilja forðast kolvetni. Í aðalhlutverki eru vörur frá Barenaked sem framleiðir spaghetti, pasta og hrísgrjón úr konjaks-rót sem inniheldur nánast engin kolvetni og hefur því reynst staðgóður staðgengill fyrir hefðbundnar kolvetnasprengjur.

Réttirnir eru hannaðir í samstarfi við ketó-drottninguna Hönnu Þóru sem hefur verið öflugur talsmaður ketó-mataræðis og Barenaked á Íslandi ásamt því að hafa gefið út metsölubók um lífsstílinn sem hún byggir á eigin reynslu en þar er jafnframt að finna fjölda girnilegra uppskrifta. Rétturinn sem kenndur er við Hönnu Þóru heitir Barenaked tikka masala a la Hanna Þóra og ætti að gleðja marga.

Seinni rétturinn var hannaður í samstarfi við ekki ómerkari manneskju en Heru Björk. Hera kynntist nýlega Barenaked-vörunum og féll kylliflöt fyrir þeim en sjálf forðast hún glúten og kolvetni í sínu mataræði í kjölfar magaermaraðgerðar sem hún fór í 2017. Síðan þá hefur hún hvorki getað borðað pasta né hrísgrjón og Barenaked-vörurnar því himnasending fyrir hana.

Réttur Heru heitir Barenaked-kókosnúðluréttur a la Hera Björk og er, eins og nafnið gefur til kynna, himneskur núðluréttur með kjúklingi, kókos og karríi eins og þeir gerast bestir.

Barenaked-kókosnúðluréttur a la Hera Björk

Barenaked tikka masala a la Hanna Þóra.

Tengdar fréttir

Innlend veitingahús

Unaðslega góð grafin bleikja

• Parið á bak við Eyju vínstofu á Akureyri
• Feðgar opna Geitina í Urriðaholtinu
• Hvítar trufflur á Pósthúsinu um jólin
• Forréttindi að reka veitingastað í óspilltri náttúru

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir