Nachos borgari með sósu í sérflokki

Hér er Eyþór Rúnarsson meistarakokkur með algjörlega geggjaðan borgara með sósu sem er í algjörum sérflokki.

Annað eins gourmei hefur ekki sést lengi..

Nachos borgari með pico de gallo og mexico-ostadressingu

Uppskriftin er fyrir 4

  • u.þ.b. 550 - 600 g nautahakk
  • 1 tsk. cumin 
  • 1 tsk. sambal oelek 
  • 70 g mulið nachos 
  • ½ mexico ostur 
  • 1 msk. sjávarsalt 
  • 4 ostsneiðar / eða rifinn ostur 
  • 4 stk. hamborgara brauð

Myljið nachosið niður í skál með höndunum. Rífið ostinn niður með rifjárni og setjið út í skálina og bætið öll hinu hráefninu út í. Blandið öllu vel saman með höndunum. Skiptið blöndunni upp í 4 hluta og mótið í fjóra hamborgara u.þ.b.150 gr hvor fyrir sig.

Hitið grillið og grillið hamborgarana í 4 mín á hvorri hlið. Setjið ostinn á borgarana í lokin og takið þá af þegar osturinn er bráðinn.  

Pico di gallo 

  • 1 box sólskinstómatar (250 gr)
  • 2 msk. fínt skorin rauðlaukur 
  • 1 msk. fínt skorið rautt chili 
  • 1/3 bréf kóríander gróft saxað
  • 1 tsk. flórsykur 
  • ½ lime (fínt rifinn börkur og safi)
  • 2 msk. ólífuolía 
  • sjávarsalt 

Setjið rauðlaukin í skál ásamt flórsykrinum og hrærið vel saman, látið rauðlaukinn svo standa í 10 min.

Skerið hvern tómat í 8 bita og setjið þá í skálina með rauðlauknum. Bætið chili, kóríander, limesafa og ólífuolíunni út í skálina og hrærið öllu vel saman og smakkið til með saltinu.

Ostadressing 

  • ½ mexico-ostur 
  • 1dós 18% sýrður rjómi  (180gr)
  • ½ tsk. hvítlauksduft 
  • ½ lime (safinn og börkurinn)
  • 1 tsk. hlynsíróp 

Rífið ostinn niður með rifjárni og setjið í skál með sýrða rjómanum, bætið hvítlauknum, fínt rifnum lime berkinum og lime safanum út í ásamt hlynsírópinu og smakkið til með saltinu í lokin.

- - -

Fylgstu með Mat­ar­vefn­um á In­sta­gram. Enda­laus æv­in­týri, hug­mynd­ir, skemmti­leg­ir leik­ir og allt það heit­asta heita ...

Svo megið þið endi­lega tagga okk­ur á In­sta­gram þegar þið eruð að elda eitt­hvað spenn­andi @mat­ur.a.mbl

mbl.is