Matur | mbl | 8.6.2021 | 14:01

Ómótstæðilegar múffur með þrenns konar súkkulaði

Æðislegar múffur með nóg af súkkulaði. Mbl.is/Hildur Rut Ingimarsdóttir

Við förum ekkert leynt með aðdáun okkar á súkkulaði – og hér eru æðislegar múffur með þrenns konar súkkulaði; suðusúkkulaði, mjólkursúkkulaði og hvítu súkkulaði. Uppskriftin er úr smiðju Hildar Rutar sem segir múffurnar fullkomnar með sunnudagskaffinu.

Muffins með þrenns konar súkkulaði (12 múffur)

6 dl hveiti
1 tsk. lyftiduft
1 tsk. matarsódi
1/2 tsk. salt
100 g suðusúkkulaði
100 g mjólkursúkkulaði
100 g hvítt súkkulaði
110 g smjör
2 egg
2,5 dl sykur
2 tsk. vanilludropar
1 dl mjólk

Aðferð:

Skerið allt súkkulaðið í litla bita.
Blandið saman hveiti, lyftidufti, matarsóda, salti og súkkulaði með skeið.
Bræðið smjör og blandið saman við egg, sykur, vanilludropa og mjólk. Ég notaði hrærivélina.
Hellið hveitiblöndunni út í og hrærið varlega saman.
Dreifið deiginu í 12 múffuform og bakið í 15-20 mín. við 190°C.