Einn frægasti þynnkubani Bretlands kominn til landsins

Ljósmynd/Overhang

Fjölskylduleyndarmálið sem sló í gegn mætti líka vera fyrirsögnin hér en nú er loksins hægt að kaupa breska drykkinn Overhang sem sagður er gera allt betra og góð ástæða fyrir því.

Drykkurinn er sérlega vinsæll þar í landi – bæði sem almennur heilsudrykkur og líka sem þynnkubani. Drykkurinn kemur úr smiðju Antonio Vacarra sem þróaði drykkinn til einkaneyslu og er hann sagður vera lykillinn að góðri heilsu kappans þrátt fyrir skrautlegt líferni.

Vacarra fluttist til Bretlands frá Ítalíu og opnaði fljótlega nokkrar verslanir í Cheltenham. Hann varð fljótt afar vinsæll, þá ekki síst fyrir litríkan og skemmtilegan persónuleika og eignaðist fjölda frægra vina.

Það var á þessum árum sem Vacarra þróaði Overhang-drykkinn en hann inniheldur blöndu af engifer, appelsínum og lime, að viðbættum mjólkurþistli, burdok-rót og hindberjalaufum. Drykkurinn er afar auðugur af C-vítamíni auk fjölda vítamína á borð við B3, B5 og B6.

Það var þó ekki fyrr en mörgum árum seinna að barnabarn Antonio Vacarra ákvað að setja drykkinn á markað og síðan þá hefur hann slegið í gegn og þykir allra meina bót.

Drykkurinn er eins og áður segir loksins fáanlegur hér á landi og ljóst að margir fagna því enda telst góður þynnkubani oft gulli betri.

Ljósmynd/Overhang
Ljósmynd/Overhang
mbl.is