Kaffiboozt sem keyrir þig í gang

Orkuskot með kaffi, í boði Hildar Rutar.
Orkuskot með kaffi, í boði Hildar Rutar. Mbl.is/Hildur Rut Ingimarsdóttir

Orkuríkur kaffiboozt er allt sem við þurfum á morgnanna og Hildur Rut færir okkur þennan ljúffenga og orkuríka drykk hér. Espresso-skot, banani, döðlur, hnetusmjör, haframjöl, hampfræ, kakó og möndlumjólk – skotheld blanda.

Kaffiboozt sem keyrir þig í gang (fyrir 1)

  • 1-2 espresso-skot Sjöstrand nr. 1
  • 2 dl möndlumjólk
  • 1 frosinn banani
  • 3 döðlur
  • 1 msk. hnetusmjör
  • 1 msk. haframjöl
  • 1 tsk. hampfræ
  • 1 tsk. kakóduft
  • 4-6 klakar

Aðferð:

  1. Útbúið 1-2 kaffiskot í glas. Bætið 1-2 klökum saman við kaffið og kælið.
  2. Setjið öll hráefnin saman í blandara og hrærið vel saman.
  3. Hellið í glas og njótið.
mbl.is