Góður grillaður borgari er hreinasta unun og það skemmtilega við hamborgara er að það er hægt að útfæra þá á allskyns vegu. Meðlæti, sósur og annað er síbreytilegt en svo má auðvitað líka sleppa kjötinu og þá er sniðugt að eiga kjötlausa valkosti eins og Berglind Hreiðars á Gotteri.is býður upp á hér.

„Ég hef áður deilt með ykkur uppskriftum af kjötlausum máltíðum og hér er sumarlegur og gómsætur borgari á ferðinni! Það er nefnilega þannig að þó ákveðnar vörur flokkist sem vegan, glútein fríar, lágkolvetna eða hvað eina að það má sannarlega nota slík hráefni í „hefðbundna“ eldamennsku eins og hentar hverjum og einum,“ segir Berglind um borgarann sem stendur sannarlega undir nafni. 

Kjötlausir borgarar

4 stykki

• 4 Hälsans Kök buff
• 4 hamborgarabrauð
• 4 ostsneiðar
• Hamborgarasósa
• Kál
• Tómatar
• Paprika
• Rauðlaukur
• Pik-Nik kartöflustrá

Aðferð:

1. Grillið buffin samkvæmt leiðbeiningum á pakka ásamt því að hita brauðin á grillinu.
2. Setjið ostsneið á hvert buff í lokin og takið þau síðan af þegar osturinn hefur bráðnað.
3. Skerið niður allt grænmeti og raðið saman að vild.
4. Njótið með kartöflustráum.