Þetta er mögulega ein undarlegasta fyrirsögn sem skrifuð hefur verið í dag en sönn engu að síður. Bandaríski leikarinn Mark Consuelos, sem er íslenskum netflixáhorfendum vel kunnur fyrir hlutverk sitt í Riverdale-þáttunum, skemmti sjónvarpsáhorfendum á dögunum þegar hann kramdi melónu milli fótanna.
Gjörningurinn fór fram í morgunþætti eiginkonu hans, Kelly Ripa, og Ryans Seacrests og eins og sjá má fór Consuelos létt með verkið.