Súkkulaðiaðdáendur takið eftir; hér er hótelherbergi sem þið verið að smakka á.

Fyrirtækið LateRooms hefur í samvinnu við The Chocolate Box Hotel í Bournemouth ákveðið að minnast 50 ára afmælis upprunalegu Willy Wonka-myndarinnar, sem er byggð á bók eftir Roald Dahl. Og þetta hótelherbergi er ekkert grín! Hér geta sælgætisáhugamenn sleikt veggfóður í ýmsum bragðtegundum, notið þess að dýfa ávöxtum og sykurpúðum í súkkulaðigosbrunn og skoðað myndir úr uppáhaldskvikmyndinni sinni.

Baðherbergið er engin undantekning, því hér er sælgæti í krukkum ásamt súkkulaði-ilmandi snyrtivörum, eins fjólublár sloppur og inniskór sem líkjast því sem Wonka sjálfur klæddist í umræddri mynd. Og sé þess óskað er hægt að fá baðkarið fyllt með fljótandi súkkulaði – þá gegn aukagreiðslu.

Hótelherbergið er ekki bara súkkulaði og sætindi, því það inniheldur allan þann munað sem þú óskar eftir í þægindum. Egypsk bómullarsængurver, himneskt rúm og myrkvunargluggatjöld. Hægt er að skoða hótelið nánar HÉR – en við værum svo sannarlega til í að tékka okkur inn eina nótt, þótt ekki væri nema bara til að sleikja veggfóðrið (sem er skipt út eftir hverja dvöl) og skella okkur í bað.

Má bjóða þér að fara í súkkulaðibað? Mbl.is/LateRooms

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt