Mikil leynd hvíldi yfir hvaða aðilar það voru sem tóku við rekstri Litlu kaffistofunnar. Í gær var svo birt mynd af fjölskyldunni sem ætlar að ráðast í það skemmtilega verkefni að reka þennan þjóðkunna stað.
Einhverja rak í rosastans enda þarna á ferðinni þjóðþekkt andlit úr veitingabransanum með sjálfan Hlöðver Sigurðsson – stofnanda Hlöllabáta – í framlínunni.
Fjölskyldan seldi Hlöllabáta árið 2012 en er nú mætt aftur með látum og mega vegfarendur eiga von á góðu ef að líkum lætur.