Dýrðlegt pasta með kjúklingi

Pastadeig

• 250 g hveiti
• 2 egg
• 3 eggjarauður
• 1 msk. ólífuolía
• ½ tsk. salt

Setjið hveiti og salt saman í skál og blandið vel saman. Gerið holu í miðjuna á hveitinu og setjið egg, eggjarauður og ólífuolíu í holuna og blandið öllu varlega saman. Hnoðið deigið í höndunum og setjið svo í plastfilmu og inn í ísskáp í 1 klst. Fletjið svo út í pastavél eða með kefli í að minnsta kosti 2 mm þykkt. Skerið í þunnar ræmur og setjið í sjóðandi vatn með salti í ca 3 mín.

Kjúklingabollur

• 550 g kjúklingalæri úrbeinað
• 6 msk. brauðraspur
• 2 msk. salvía (fínt skorin)
• 2 msk. steinselja (fínt skorin)
• 1 tsk. chili sambal oelek
• ½ stk. hvítlauksrif (fínt rifið)
• 1 msk. sjávarsalt

Skerið kjúklingalærin í eins smáa bita og þið getið. Setjið skorin kjúklingalærin með öllu hinu hráefninu saman í skál. Rúllið upp í ca 25-30 g bollur og setjið á bökunarplötu í 200 gráðu heitan ofninn í 20 mín.

Spínatsósa

• 5 skallotlaukar (skrældir og gróft skornir)
• 1 stk hvítlauksgeiri (skrældur og gróft skorinn)
• 1 poki spínat (100 g)
• ½ l rjómi
• 3 msk grænmetiskraftur
• safi úr ½ sítrónu
• sjávarsalt
• svartur pipar úr kvörn

Hitið pott með olíu í og steikið lauk og hvítlauk þar til hann er mjúkur. Bætið spínatinu út í ásamt rjómanum og sjóðið saman í 15-20 mín.

Maukið sósuna með töfrasprota eða í blenderkönnu og smakkið til með grænmetiskrafti, sítrónusafa, salti og pipar.

Meðlæti með bollum

• steiktir portóbellósveppir
• rifinn ferskur parmesanostur
• rifið hrátt brokkólí
• sítrónubátur
• ristaðar furuhnetur