Fólk sem elskar súrar gúrkur hefur verið að koma þeim að í matargerð á mjög áhugaverðan máta síðustu misseri – og nú á pítsu sem hefur sprengt alla skala.

Þessi súrsaða pítsa, sem kallast „Kinda Big Dill“, var uppgötvuð árið 2018 í Minnesota og er sprottin út frá svokölluðu „Minnesota sushi“, sem eru súrsaðar gúrkur vafðar í rjómaost og skinku og skorið í sneiðar. Pítsan aftur á móti inniheldur hvítlauksdillsósu, kanadískt beikon, mozzarellaost, ferskt dill og að sjálfsögðu súrar gúrkur. Þessi samsetning mun sprengja í þér bragðlaukana að sögn heimildarmanna og ilmurinn af henni er sá besti.

Svona býrðu til súrsaða pítsu:

1. Hitið ofninn í 200°C.
2. Búðu til þitt eigið deig eða keyptu úti í búð. Passið að deigið sé ekki of þunnt.
3. Leggðu áleggið á pítsuna í eftirfarandi röð; hvítlauksdillsósa, beikon, súrar gúrkur, mozzarella, annað lag af súrum gúrkum og ferskt dill.
4. Hitið pítsuna í ofni þar til kantarnir verða gylltir.
5. Skerið pítsuna í langar ræmur frekar en þríhyrndar sneiðar. Það er öðruvísi stemning og kemur á óvart.

Mbl.is/VIA QCPIZZA.COM

Mbl.is/VIA QCPIZZA.COM

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt