Formenn stjórnmálaflokka halda áfram að bjóða upp á girnilegar uppskriftir sem endurspegla hugmyndafræði þeirra og hér er það Logi Einarsson, formaður Samfylkingarinnar, sem býður upp á skandinavískt smørrebrauð sem endurspeglar þau markmið flokksins að stíga stór skref í átt að alvöru norrænu velferðarsamfélagi.

„Samfylkingin vill taka stór skref í átt að alvöru norrænu velferðarsamfélagi. Svo það liggur beint við að bjóða upp á skandinavískt smørrebrauð, en þó með lágu kolefnisspori þar sem við leggjum áherslu á alvöruaðgerðir í loftslagsmálum.“

Uppskriftir formannanna eru hluti af Kjóstu rétt hjá Heimkaup sem er með því skemmtilegra sem sést hefur lengi.

Frétt af mbl.is

Inga Sæland býður upp á „krönsí“ kartöflur

Frétt af mbl.is

Stálheiðarlegur brauðréttur Þorbjargar

Frétt af mbl.is

Ómótstæðilegir lambaskankar Sigurðar Inga

Frétt af mbl.is

Gunnar Smári tekur alþýðupönnukökurnar upp á næsta stig

Frétt af mbl.is

Brauðterta Sigmundar Davíðs slær öll met

Frétt af mbl.is

Uppskriftin að töfraköku Bjarna Ben afhjúpuð

Dönsk rúgbrauðsveisla

Hráefni 

• Dönsk rúgbrauðssneið
• klassískt remúlaði
• djúpsteikt rauðsprettuflak
• laxarós (enda er rósin alþjóðlegt tákn jafnaðarmanna)
• fersk steinselja
• íslenskt sjávarsalt

Aðferð

1. Smyrjið rúgbrauðið með remúlaði
2. Setjið djúpsteikt rauðsprettuflak og laxarós ofan á (enda er rósin alþjóðlegt tákn jafnaðarmanna)
3. Aðeins meira remúlaði ofan á því þetta þarf nú að standa með þér út daginn
4. Skreytt með ferskri steinselju og íslensku sjávarsalti.

Súrdeigsveisla

Hráefni

• Súrdeigsbrauðsneið
• ½ bolli majónes
• heilkorna dijonsinnep
• 1 tsk saxað kapers
• dill
• dass af rauðvínsediki
• dass af eldpiparsósu
• 1 kartafla
• radísur
• pikklaður rauðlaukur
• steiktur laukur

Aðferð

1. Súrdeigsbrauðsneið steikt upp úr smá smjöri
2. Gerið sósu úr ½ bolla af majónesi, 1 tsk af heilkorna dijonsinnepi, 1 tsk af söxuðum kapers, 1 tsk af dilli, dassi af rauðvínsediki og dassi af eldpiparsósu svo það sé smá bit í þessu. Setjið sósuna á brauðið
3. Því næst koma soðnar kartöflusneiðar
4. Þá þunnt skornar radísusneiðar
5. Svo vel af pikkluðum rauðlauk ofan á og steiktan lauk til að toppa þetta.
6. Skreytt með dilli

Skolið niður með einum hrímköldum Birting Saison frá Austri brugghúsi – sem er ljósrafrauður íslenskur eðalbjór sem tekur allt það besta úr belgískri bjórhefð.

Njótið!