Morgunverðurinn sem gælir við bragðlaukana

Ljósmynd/Berglind Hreiðarsdóttir

Hér er enginn kreppumorgunverður á ferðinni heldur rjómaþeytt grísk jógúrt sem ætti að vera nóg til að einhver hjörtu taki kipp.

Það er engin önnur en Berglind Hreiðars á Gotteri.is sem á heiðurinn af þessari snilld.

Rjómaþeytt jógúrt

Uppskrift dugar í 4-8 skálar/glös (eftir stærð)

  • 500 g grísk jógúrt frá Gott í matinn
  • 350 ml rjómi frá Gott í matinn
  • 4 msk. hlynsíróp
  • 2 tsk. vanilludropar
  • ¼ tsk. salt

Aðferð:

  1. Setjið allt saman í hrærivélarskálina.
  2. Blandið fyrst varlega saman og aukið síðan hraðann og þeytið þar til topparnir halda sér og blandan þykknar upp að nýju.
  3. Skiptið niður í skálar eða glös, kælið og toppið með einhverju gómsætu (hugmynd hér að neðan).

Toppur uppskrift

  • Granóla
  • Jarðarber
  • Bláber
  • Saxað dökkt súkkulaði
Ljósmynd/Berglind Hreiðarsdóttir
mbl.is