Svo virðist sem í ár verði enginn snúningur á tískulit jólanna – því hér er farið í innsta kjarna ef marka má helstu vörumerkin sem hafa gefið út nýjungar fyrir jólin.

Á síðasta ári var rauður allsráðandi en núna er það dökkgrænn sem virðist verða litur jólanna þetta árið. Eins verða ýmsir grænir tónar sem spila með ásamt hvítu skrauti úr pappa og fleiri smáatriði sem munu setja svip á hátíðina. Því er vel við hæfi að hugsa um snæviþakta grenitoppa, greni og mosa – þá ertu nokkurn veginn með stemninguna á hreinu. Hér fyrir neðan má sjá fyrstu nýjungar af jólavörum sem skarta jólalit ársins.