Hefurðu einhvern tímann hugsað út í að þrífa sturtuhausinn vandlega? Þá erum við ekki að meina almenn yfirborðsþrif sem eru fljótleg og auðveld – heldur dýpri þrif til að losa um óhreinindin sem þar liggja.

Það eru meiri óhreinindi inni í sturtuhausnum en þig nokkurn tímann grunar. Á sturtuhausnum eru lítil göt þar sem vatnið skvettist niður úr, og það er þarna sem gróðrastían liggur. Til þess að losa um óhreinindin er frábær lausn að nota litlu burstana sem við smellum á milli tannana í stað tannþráðs. Þeir losa um stíflurnar og þegar þú skrúfar frá vatninu, þá muntu sjá óhreinindin skolast út.