Hleypt egg eru eitt af því vinsælasta á bröns hlaðborðum, en við miklum því allt of mikið fyrir okkur hvernig best sé að elda þau. Kokkur nokkur á TikTok, @twochefsoneknife, deildi með fylgjendum sínum hvernig þú masterar mörg hleypt egg á sama tíma. En best er þó að vita að því ferskari sem eggin eru, því auðveldara og betra er að útbúa hleypt egg.

Svona masterar þú hleypt egg fyrir marga í einu:

• Setið vatn í pott og hitið að suðu. Bætið ¼ bolla af ediki við hverja tvo lítra af vatni.
• Brjótið eggin ofan í könnu og passið að rauðurnar haldist heilar.
• Þegar vatnið byrjar að sjóða, hrærið þá í vatninu til að búa til einskonar „hringiðu“. Á meðan vatnið þyrlast í hringi, hellið þá eggjunum í vatnið. Hér þarftu ekki að hafa áhyggur að eitt og eitt detti niður í einu, því eggin munu skilja sig að í vatninu.
• Ef þú ætlar að borða eggin strax, skaltu elda þau eins og þú vilt hafa þau. En ef þú ert að gera þau fyrirfram, skaltu sjóða þau í sirka 3 mínútur sem er minna en venjulegur suðutími er – og skelltu þeim svo í ísbað. Þannig geturðu undirbúið eggin í góðum tíma og hitað svo upp aftur í heitu vatni rétt áður en þú berð þau fram.
• Mundu, að æfingin skapar meistaran!

Tengdar fréttir

Uppskriftir

10 bestu hamborgararnir í tilefni sumardagsins fyrsta

• Sigurkokteilarnir geta orðið sumarsmellirnir í ár
• Af hverju að búa til granóla?
• Bragðmikill og ljúffengur fiskréttur með pestó og bræddum osti
• Ferskt og brakandi sumar-tacos með sumarsalsa

» Fleiri tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt