Súkkulaðisæla

• 140 g smjör
• 140 g Green & Blacks 70% súkkulaði
• 2 egg
• 3 eggjarauður
• 140 g flórsykur
• 40 g bökunarkakó
• 60 g hveiti
• Häagen-Dazs Dulce De Leche ís
• Karamelluíssósa
• Kirsuber

Aðferð:

1. Hitið ofninn í 220°C.
2. Bræðið smjör og súkkulaði í vatnsbaði og leyfið hitanum að rjúka úr í nokkrar mínútur.
3. Þeytið saman egg og eggjarauður þar til létt og ljóst og bætið þá flórsykrinum saman við í nokkrum skömmtum.
4. Að lokum má sigta hveiti og bökunarkakó í blönduna og vefja varlega saman.
5. Smyrjið souffle form vel með smjöri, fyllið um 2/3 af forminu og bakið í 10-12 mínútur. Dugar í 6-8 souffle form (eftir stærð).
6. Leyfið aðeins að standa og setjið síðan væna skeið af ís, karamellusósu og kirsuber á hverja köku.