Súkkulaðigranóla með hreinni grískri jógúrt
Setja bókamerki
Nú er hægt að fá hreina gríska jógúrt í 500 ml umbúðum. Grísk jógúrt er vinsæl hér á landi enda einstaklega létt, mjúk og bragðgóð og smakkast því vel ein sér og ekki síður þegar hún er borin fram með ávöxtum, berjum og múslí. Það er Helena Gunnarsdóttir sem útbjó þessa skemmtilegu skál sem bragðast eins og sælgæti.
„Ég er kolfallin fyrir nýju grísku jógúrtinni. Hún er að mínu mati fullkomin, einstaklega létt en samt rjómakennd. Virkilega ánægjuleg viðbót í jógúrtflóruna. Ef þið hafið ekki prófað að útbúa heimalagað granóla mæli ég innilega með að gera það hið snarasta. Það er bæði sáraeinfalt og svo ljúffengt. Svo gerir súkkulaði allt gott eins og allir vita,“ segir Helena og við erum hjartanlega sammála.
Súkkulaðigranóla með hreinni grískri jógúrt
- 7 dl haframjöl
- 3 dl möndluflögur
- 1 1/2 dl kókosmjöl
- 1 dl hreint kakóduft
- 2 msk. hrásykur
- smá klípa sjávarsalt
- 100 gr brætt smjör
- 2 msk. hlynsíróp
- 1 tsk. vanilluextract
- 2 dl súkkulaðidropar eða saxað súkkulaði
Meðlæti:
- hrein Léttmáls grísk jógúrt
- ávextir og/eða ber að eigin vali
Aðferð:
1. Hitið ofn í 130 gráður með blæstri.
2. Hrærið öllum þurrefnum saman í skál.
3. Bræðið smjörið í potti, takið af hitanum og hrærið vanillu og hlynsírópi saman við.
4. Hellið smjörblöndunni yfir þurrefnin og blandið öllu vel saman.
5. Leggið bökunarpappír í ofnskúffu og dreifið úr blöndunni.
6. Bakið í ofni í eina klukkustund. Hrærið í blöndunni einu sinni til tvisvar yfir bökunartímann.
7. Takið úr ofninum og dreifið súkkulaðinu strax yfir.
8. Setjið til hliðar og látið kólna alveg.
9. Geymist vel í lokaðri krukku í tvær vikur.
10. Berið fram með hreinni Léttmáls grískri jógúrt og ávöxtum.
- - -
Fylgstu með Matarvefnum á Instagram og Facebook. Endalaus ævintýri, hugmyndir, skemmtilegir leikir og allt það heitasta heita ...
Svo megið þið endilega tagga okkur á Instagram þegar þið eruð að elda eitthvað spennandi @matur.a.mbl
Mest spennandi kosningar í áratugi
Sáttur við sína stöðu og finnur fyrir meðbyr
Tæknideild komin norður vegna andlátsins
„Mér finnst Halla Hrund svona Vigdísarleg“
„Þetta er pínu óvanaleg staða“
Áköf mótmæli í bandarískum háskólum
Segir nýtt frumvarp gefa eldisfyrirtækjum auðlindir
Katrín: Jóhönnustjórnin talaði máli Íslands