90% þjóðarinnar borðar laufabrauð, að því er fram kemur í könnun sem Gallup framkvæmdi fyrir Gæðabakstur. Stærsti aldurshópurinn sem borðar laufabrauð er 18-24 ára og 35-44 ára, eða 91%.
 
Þá eru ívið fleiri konur en karlar sem borða laufabrauð. Hlutfall kvenna er 92% en karla 88%.
 
35% þeirra sem borða laufabrauð borða það alltaf eintómt. 65% nota álegg/smur og/eða ídýfur. Yngra fólk borðar laufabrauð frekar eintómt
 
Vinsældarlisti í áleggjum, meðal þeirra sem nota álegg/smur/ídýfur yfir höfuð:

• 90% setja smjör (með eða án annars)
• 12% setja hangikjöt
• 2% ost
• 1% mysing
• 1% brauðsalat

Einnig var nefnt: tómatsardínur, sultaður rauðlaukur, sykrað kaffi, maís, maís, uppstúfur/jafningur, söltuð rúllupylsa, sulta, vogaídýfa, nacho ostasósa.
 
„Í upphafi var laufabrauðið einkum vinsælt á Norðurlandi en þokaðist síðan hægt suður yfir heiðar. Á síðustu áratugum hefur laufabrauðið áunnið sér fastan sess í jólahaldi þúsunda íslendinga um allt land. Ætla má að þessi ágæti jólasiður hafi borist með fjölskyldum sem fluttu af Norðurlandi í aðra landshluta,” segir Gísli Þorsteinsson, sölu- og markaðsstjóri Gæðabaksturs.
 
En hvað skyldi laufabrauðsgerð vera gamall siður hér á landi? „Af heimildum að dæma má draga þá ályktun að laufabrauð hafi verið gert a.m.k. í hálfa þriðju öld. Minnst er á það í orðabók Jóns Ólafssonar frá Grunnavík frá fyrri hluta 18. aldar, ef marka má Wikipediu. Þar segir að laufabrauð sé sælgæti Íslendinga,“ segir Gísi.
 
Gallup könnunin var framvæmd á netinu og náði til 1.632 manns, 18 ára og eldri á öllu landinu.

Tengdar fréttir

Daglegt líf

Það sem stórstjörnurnar elska að borða

• Það besta sem bæjarstjórarnir fá
• Áslaug fær sér harðfisk með tabasco-sósu
• Gripið og greitt ný sjálfafgreiðslulausn í Bónus
• Þetta er kakan sem Kristrún bauð Frederiksen upp á

» Fleiri tengdar fréttir

• Blogga um frétt