Bestu kleinuuppskriftir landsins

Ingunn Þráinsdóttir er höfundur bókarinnar „Bestu kleinur í heimi
Ingunn Þráinsdóttir er höfundur bókarinnar „Bestu kleinur í heimi". mbl.is/Mynd aðsend

Uppskrift að bestu kleinum í heimi má án efa finna í nýútkominni bók eftir Ingunni Þráinsdóttur, en bókin skartar ótal girnilegum kleinuuppskriftum.

Hvað er betra en nýsteiktar kleinur? Á Íslandi lifir kleinan enn góðu lífi og í flestum matvöruverslunum er hægt að næla sér í poka af fjöldaframleiddum kleinum. Eins hafa bakarar um land allt verið duglegir við að bjóða okkur upp á ágætis kleinur í gegnum tíðina. En þrátt fyrir ágætt framboð þá gleymast seint kleinurnar sem urðu til í eldhúsinu heima.

Ingunn er höfundur bókarinnar „Bestu kleinur í heimi“ sem spannar hvorki meira né minna en 57 kleinuuppskriftir, sem þykir ansi gott sýnishorn af heimagerðum kleinum. Hún auglýsti eftir uppskriftum og viðbrögðin létu ekki á sér standa. Til hennar streymdu uppskriftir, sögur og myndir hvaðanæva af landinu. Auk girnilegra uppskrifta er ýmsan skemmtilegan fróðleik að finna í bókinni um kleinur. Það er fátt íslenskara en kleinur, og hér er örugglega á ferðinni fyrsta bókin um djúpsteiktu slaufurnar sem við elskum að kjamsa á með ískaldri mjólk.

mbl.is/Mynd aðsend
mbl.is/Mynd aðsend
mbl.is/Mynd aðsend
mbl.is/Mynd aðsend
mbl.is/Mynd aðsend
mbl.is