Hamborgarhryggur með langbestu sósunni

• Hamborgarhryggur með beini frá SS
• 100 g púðursykur
• 2 msk. dijonsinnep
• 1 msk. hunang
• ½ egg

1. Hægt er að elda hamborgarhrygginn með tvenns konar hætti, annaðhvort í steikarpotti inni í ofni eða í eldföstu móti (ekki með loki).
2. Ef notaður er steikarpottur: Kveikið á ofninum og stillið á 120°C og undir+yfir-hita. Setjið steikina ofan í pottinn og hellið einum lítra af vatni í pottinn. Setjið lok á pottinn og bakið í ofni í tvo klukkutíma og 15 mínútur.
3. Ef notað er eldfast mót: Kveikið á ofninum og stillið á 150°C. Setjið hrygginn í mótið og bætið lítra af vatni ofan í, eldið í 70 mínútur.
4. Hellið soðinu af kjötinu og setjið það í pott.
5. Hrærið saman púðursykur, dijonsinnep, hunang og egg (hrærið eggið saman í bolla og notið aðeins helminginn af egginu). Setjið hamborgarhrygginn á fallegt fat sem má fara inn í ofn og penslið hrygginn með blöndunni, bakið hrygginn í u.þ.b. 15 mínútur eða þar til kjarnhiti steikarinnar mælist 68°C (tími fer eftir stærð).

1. Setjið sykur á pönnu og hitið á vægum hita þar til sykurinn er nánast allur bráðnaður (passið að hann brenni ekki, hrærið varlega í með sleif).
2. Skerið smjörið í þrjá bita. Þegar sykurinn er nánast allur bráðnaður og ykkur finnst hann vera alveg við það að byrja að brenna, setjið þá þriðjung af smjörinu út í og hrærið saman við, setjið svo næsta smjörbita út í og hrærið saman við og svo næsta.
3. Setjið kartöflurnar út á pönnuna (gerið það varlega og passið að karamellan slettist ekki) og veltið þeim upp úr karamellunni þar til kartöflurnar eru alveg húðaðar.
4. Setjið í fallegt fat eða á fatið með hamborgarhryggnum.

Setjið soð, rjóma og koníak saman í pott og sjóðið.

Bætið út í svínakrafti, salti og pipar og dijonsinnepi og hrærið saman við, leyfið sósunni að malla í nokkrar mínútur.

Bætið út í maísenamjöli og sósulit þar til þið eruð ánægð með þykktina og litinn á sósunni.

Skerið smjörið í bita og bætið út í sósuna og hrærið þar til bráðnað saman við.